(24 نیوز)اسرائیل کے وزیرِ اعظم بنیامین نتن یاہو کا کہنا ہے کہ ہم فتح کی راہ پر گامزن ہیں, ایک اسرائیل فضائی اڈے کے دورے کے دوران انھوں نے دعویٰ کیا کہ ان کا ملک ’تہران کی فضائی حدود کا کنٹرول حاصل کر چکا ہے۔
ان کا کہنا تھا کہ ہم اپنے دونوں مقاصد کے حصول کے راستے پر گامزن ہیں، نتن یاہو نے اس موقع پر ایرانی اور اسرائیلی حملوں کے درمیان فرق بتاتے ہوئے دعویٰ کیا کہ اسرائیل عسکری جبکہ ایران سویلین اہداف کو نشانہ بنا رہا ہے۔
اسرائیلی وزیرِ اعظم نے فضائی اڈے پر موجود افراد کو کہا کہ آپ کا بہت شکریہ اور خدا کی مدد سے ہم کامیابی حاصل کریں گے اور فتح حاصل کرنے تک رُکیں گے نہیں۔
دوسری جانب ایران کی وزارتِ صحت کا کہنا ہے کہ جمعے سے اب تک اسرائیلی حملوں میں ملک کے 224 شہری ہلاک ہو چکے ہیں, ایرانی حکومت کی پابندیوں کے سبب بی بی سی ایران کے اندر سے رپورٹنگ نہیں کر پا رہا ہے۔
یہ بھی پڑھیں :اسرائیل کو اینٹ کا جواب پتھر سے دیں گے :اسحاق ڈار
