اسرائیل امریکہ اور ایران کے حملوں میں ہونے والے جانی نقصانات کی تفصیل

(ویب ڈیسک) ایران اور اسرائیل کے حملوں میں اضافہ  کے  ساتھ مشرقِ وسطیٰ میں جانی نقصان میں بھی اضافہ رپورٹ ہوا ہے۔
امریکہ، اسرائیل اور ایران مشرق وسطیٰ میں  اپنے اپنے اہداف پر  حملے کر رہے ہیں اور خطے میں ہلاکتوں کی تعداد بھی بڑھ رہی ہے۔

علاقائی ذرائع سے انٹرنیشنل نیوز آؤٹ لیٹس کے جمع کردہ  اعداد و شمار کے مطابق،  ایران جنگ کے نتیجے میں ہونے والی اموات کی تازہ ترین تعداد یہ ہے۔

ایران   

 اقوام متحدہ میں ایران کے سفیر نے منگل کو کہا کہ تنازع شروع ہونے کے بعد سے ملک پر امریکی اسرائیل حملوں میں 1,300 سے زیادہ افراد  ہلاک ہو چکے ہیں۔ امریکہ میں قائم ہیومن رائٹس ایکٹوسٹ نیوز ایجنسی (HRANA) کی اپ ڈیٹ میں کہا گیا ہے کہ  1,262 سویلین اور 190 فوجی اہلکار مارے گئے ہیں۔
لبنان

 لبنان میں کم از کم 570 افراد ہلاک ہو چکے ہیں جب سے اسرائیل نے گزشتہ ہفتے ملک پر حملے شروع کیے ہیں، ملک کے ڈیزاسٹر رسک مینجمنٹ یونٹ نے منگل کو کہا۔ اسرائیلی فوج کے مطابق اتوار کی صبح جنوبی لبنان میں دو اسرائیلی فوجی بھی مارے گئے۔
عراق

ایران کی حمایت یافتہ ملیشیا نے کہا ہے کہ عراق کی پاپولر موبلائزیشن فورسز کے 18 ارکان ملک پر حملوں میں مارے گئے ہیں۔ اس لڑائی میں مزید تین ایرانی کرد جنگجو اور کردستان کی علاقائی حکومت کا ایک سکیورٹی رکن بھی مارا گیا ہے، جنگجو گروپوں اور KRG نے امریکی نیوز آؤٹ لیٹ سی این این کو ان اموات کی تصدیق کی۔
اسرائیل

 اسرائیل کی ایمرجنسی سروس میگن ڈیوڈ ایڈوم کے مطابق جنگ شروع ہونے کے بعد سے اسرائیل میں ایران اور لبنان کی حزب اللہ کے حملوں میں کم از کم 12 افراد ہلاک ہو چکے ہیں۔ ایم ڈی اے نے بتایا کہ ان میں سے 9 افراد بیت شیمش شہر پر ایک رہائشی عمارت پر براہ راست ایرانی میزائل لگنے سے مارے گئے۔

کویت

 کویت میں ایران کے میزائل اور ڈرون حملوں میں کم از کم 12 مارےگئے ہیں، جن میں چھ امریکی فوجی، دو کویتی سروس ممبر، اور دو کویتی سکیورٹی اہلکار شامل ہیں۔  کویت کی فوج اور ملک کی وزارت داخلہ کے مطابق، CENTCOM کے مطابق  متعدد لوگ زخمی بھی ہیں۔

متحدہ عرب امارات

 ایرانی حملوں کے نتیجے میں متحدہ عرب امارات میں کم از کم چھ افراد  جاں بحق ہو گئے ہیں،  متحدہ عرب امارات  کی وزارت دفاع نے منگل کو  اب تک مرنے والوں کی تعداد بتاتے ہوئے  کہا کہ جاں بحق ہونے والے اماراتی، پاکستانی، نیپالی اور بنگلہ دیشی شہری تھے۔
سعودی عرب

 سعودی شہری دفاع نے کہا کہ الخرج شہر میں ایک رہائشی عمارت پر ایرانی میزائل کے حملے کے بعد دو افراد جاں بحق ہو گئے۔ امریکی فوج کے مطابق، جنگ کے دوسرے دن سعودی عرب میں فوجیوں پر حملے کے بعد ایک امریکی فوجی بھی زخموں کی تاب نہ لاتے ہوئے چل بسا۔
بحرین

بحرین کے سلمان انڈسٹریل سٹی میں ایک “غیر ملکی جہاز” میں آگ لگنے سے ایک شخص  جاں بحق ہو گیا جب ایک میزائل کے ملبے سے بحرین کے سلمان صنعتی شہر میں آگ لگ گئی۔ اس کے علاوہ، بحرین کی وزارت داخلہ کے مطابق، دارالحکومت منامہ پر ایرانی حملے کے نتیجے میں ایک 29 سالہ بحرینی خاتون جاں بحق ہو گئی۔
عمان

 عمان کے ساحل سے 52 ناٹیکل میل کے فاصلے پر ایک ہندوستانی شہری اس وقت جاں بحق ہو گیا جب بغیر پائلٹ کی کشتی نے ایک آئل ٹینکر پر حملہ کر دیا جس پر وہ کام کر رہا تھا۔
یہ بھی پڑھیئے: ایران کو جوہری ہتھیاروں کی اجازت نہیں دے سکتے:اٹلی