(24 نیوز)بنگلہ دیش ائیرفورس کا تربیتی طیارہ گر کر تباہ ہوگیا جس کے نتیجے میں ایک شخص ہلاک جبکہ 4 افراد کے زخمی ہونے کی اطلاع سامنے آئی ہے۔
رپورٹ کے مطابق طیارہ اچانک ڈھاکا میں کالج کیمپس کی عمارت کے قریب توازن کھو بیٹھا اور حادثے کا شکار ہوا، یہ واقعہ ڈھاکہ کے شمالی علاقے اُتّرا میں پیش آیا۔
بنگلادیشی فضائیہ نے تصدیق کرتے یوئے کہا کہ بنگلہ دیش ایئر فورس کا F-7 BGI تربیتی طیارہ اُتّرا میں گر کر تباہ ہوا۔
حادثے کا شکار ہونیوالا یہ طیارہ دوپہر ایک بج کر 6 منٹ پر روانہ ہوا تھا۔
مختلف ویڈیوز میں دکھایا گیا کہ کالج کے لان کے قریب ایک بڑی آگ لگی ہوئی دکھائی گئی، جہاں سے دھوئیں کے سیاہ بادل اٹھتے دکھائی دیے۔
مقامی اخبار پروتھوم آلو کے مطابق، طیارہ حادثے میں کم از کم چار افراد زخمی ہوئے جنہیں علاقے کے ایک فوجی سپتال منتقل کیا گیا۔
بنگلادیشی میڈیا کے مطابق حادثے کے فوری بعد ریسکیو آپریشن کا آغاز کر دیا گیاتھا۔