دوحہ۔ 22مارچ ( ایجنسیز ) قطری ہیلی کاپٹر تکنیکی خرابی کے بعد سمندر میں گر کر تباہ ہوگیا۔اتوار کو قطری وزارت دفاع نے تصدیق کرتے ہوئے کہا ہے کہ ایک ہیلی کاپٹر معمول کی ڈیوٹی کے دوران تکنیکی خرابی کے باعث ملک کی سمندری حدود میں گر کر تباہ ہو گیا۔ اس حوالے سے قطری وزارت داخلہ نے بتایا کہ واقعے میں 7 افراد ہلاک ہوگئے ہیں جن میں 3 قطری فوجی شامل ہیں۔ غیر ملکی میڈیا رپورٹ کے مطابق اس حادثہ میں قطری مسلح افواج کے 4 ارکان اور 3 ترک شہری جان کی بازی ہار گئے ہیں۔قطری اور ترک وزارت دفاع نے حادثے کی تصدیق کی اور بتایا کہ ہیلی کاپٹر تکنیکی خرابی کا شکار ہونے کے باعث گر کر تباہ ہوا ہے۔ اس حادثہ پر بعض گوشوں سے شک و شبہ کا بھی اظہار کیا جارہا ہے۔