(24 نیوز )برطانیہ کی معروف ہوائی کمپنی لفتھانسا نے ہڑتال کی وجہ سے تقریباً 800 کے قریب پروازیں منسوخ کردیں جس کے باعث 1 لاکھ سے زائد مسافر ایئر پورٹس پر پھنس گئے۔
جرمنی میں تنخواہ اور پنشن میں اضافے کے مطالبات کو لے کر پائلٹس اور کیبن کریو کی جانب سے 24 گھنٹے کی ہڑتال کے فیصلے نے مسافروں کو مصیبت میں ڈال دیا۔
برطانوی ذرائع ابلاغ کے مطابق ہڑتال کی طرف سے فرینکفرٹ اور میونخ جیسے بڑے مرکزوں کی پروازوں میں سنگین خلل کا سامنا کرنا پڑا اور سیکڑوں پروازیں منسوخ کر دی گئیں۔
لفتھانسا ایئر لائن کے ذمہ داروں نے مسافروں کو درپیش مشکلات پر افسوس کا اظہار کیا اور کہا کہ آج بڑے پیمانے پر معمول کے مطابق شیڈول کی بحالی متوقع ہے، ایئرلائن کا مزید کہنا تھا کہ مسافروں کو نئی پروازیں بک کرنے یا پھر مکمل رقم کی واپسی کی پیشکش بھی کی گئی ہے۔
لیبر ریلیشنز کے ڈائریکٹر مائیکل نگگیمن نے میڈیا سے بات کرتے ہوئے کہا کہ ہمیں بات کو بڑھاوا دینے کی بجائے تعمیری بات چیت کی طرف بڑھنا چاہیے۔
ان کا یہ بھی کہنا تھا کہ ہڑتال ہمارے ملازمین کے مستقبل کے امکانات میں مدد نہیں کرتی اور سب سے بڑھ کر ہمارے مسافروں کو متاثر کرتی ہے۔
یہ بھی پڑھیں :ٹی ٹونٹی ورلڈ کپ، 19 سالہ ریکارڈ ٹوٹنے کے قریب