(24 نیوز)یمن کے ساحلی علاقے کے قریب افریقی پناہ گزینوں کی کشتی سمندر میں الٹ گئی، جس کے نتیجے میں کم از کم 54 افراد ہلاک ہوگئے جبکہ درجنوں کو زندہ بچالیا گیا۔
رپورٹس کے مطابق پناہ گزینوں کو غیر قانونی طور پر یمن کے راستے اٹلی لے جایا جا رہا تھا کہ یہ کشتی بحیرہ احمر کے قریب الٹ گئی۔
بچائے گئے افراد میں بڑی تعداد ایتھوپیا کے شہریوں کی ہے، جبکہ باقی افریقی ممالک سے تعلق رکھتے تھے۔
حادثے کی اطلاع ملتے ہی مقامی امدادی ٹیموں نے فوری کارروائی کرتے ہوئے درجنوں افراد کو سمندر سے نکال کر اسپتال منتقل کیا، تاہم کئی افراد اب بھی لاپتا ہیں۔ امدادی ٹیموں نے تلاش کا عمل جاری رکھا ہوا ہے۔
یہ بھی پڑھیں :جنوبی افریقہ میں سونے کی کانوں سے 1000غیر قانونی تارکین وطن گرفتار