کیف (یوکرین ) ۔29؍جون (ایجنسیز )روس اور یوکرین کے درمیان جاری جنگ میں روس نے کل رات اب تک کا سب سے بڑا فضائی حملہ کیا۔ اس دوران روس نے یوکرین پر 477 ڈرون اور 60 میزائل داغے۔یوکرین کے ایک اہلکار نے اتوار کو کہا کہ یہ بمباری کی بڑھتی ہوئی مہم کا حصہ ہے، جس نے 3 سال پرانی جنگ کے خاتمے کی کوششوں میں کامیابی کی امیدیں مزید مدھم کر دی ہیں۔یوکرین کی فضائیہ نے کہا کہ روس نے یوکرین پر کل 537 ہوائی ہتھیاروں سے فائرنگ کیا ہے۔ جس میں 477 ڈرونز اور جعلی ہتھیار اور 60 میزائل شامل ہیں۔ یوکرائنی فضائیہ کے کمیونیکیشن چیف یوری ایہنات نے کہا کہ یہ اب تک کا رات میں کیا گیا سب سے بڑا فضائی حملہ تھا۔ اس میں ڈرون اور مختلف قسم کے میزائل شامل تھے۔اس حملے میں یوکرین کے مغربی علاقے سمیت پورے خطے کو نشانہ بنایا گیا جو کہ فرنٹ لائن سے بہت دور ہے۔ ساتھ ہی پولینڈ اور اس کے اتحادیوں نے پولینڈ کی فضائی حدود کی حفاظت کو یقینی بنانے کے لیے طیارے بھیجے ہیں۔ دوسری جانب کھیرسن کے علاقائی گورنر اولیکسنڈر پروکوڈین نے کہا کہ پولینڈ اور اس کے اتحادیوں نے پولینڈ کی فضائی حدود کی حفاظت کو یقینی بنانے کے لیے طیارے روانہ کئے ہیں۔اولیکسنڈر پروکوڈین نے کہا کہ ڈرون حملے میں ایک شخص ہلاک ہوا۔ علاقائی گورنر کے مطابق چرکاسی میں ایک بچے سمیت چھ افراد زخمی ہوئے۔یوکرین کے انتہائی مغرب میں ڈرون حملے کے بعد ڈروہوبچ شہر میں ایک صنعتی تنصیب میں زبردست آگ بھڑک اٹھی جس سے شہر کے کچھ حصوں میں بجلی بھی بند ہوگئی۔تازہ ترین حملے جمعے کو روسی صدر ولادیمیر پوتن کے اس بیان کے بعد ہوئے ہیں جس میں انھوں نے کہا تھا کہ ماسکو استنبول میں براہ راست امن مذاکرات کے نئے دور کیلئے تیار ہے۔ تاہم جنگ کے ختم ہونے کے کوئی آثار نظر نہیں آتے کیونکہ امریکہ کی قیادت میں بین الاقوامی امن کی کوششوں میں اب تک کوئی کامیابی نہیں ملی ہے۔استنبول میں روسی اور یوکرائنی وفود کے درمیان مذاکرات کے حالیہ دو دور مختصر تھے اور کسی معاہدے تک پہنچنے میں کوئی پیش رفت نہیں ہوئی۔ طویل فاصلے تک مار کرنے والے ڈرون حملے اس جنگ کی پہچان بن چکے ہیں جو اب اپنے چوتھے سال میں ہے۔
دونوں طرف سے مہلک ڈرون تیار کرنے کی دوڑ نے تنازعہ کو نئے ہتھیاروں کی آزمائش میں بدل دیا ہے۔
