کولکتہ، 8 اپریل (پی ٹی آئی) انڈین پریمیئر لیگ کے رواں سیزن میں مشکلات سے دوچارکولکتہ نائٹ رائیڈرزکو ایک اور سخت امتحان کا سامنا ہے، جہاں وہ چہارشنبہ کولکھنؤ سوپر جائنٹس کے خلاف میدان میں اتریں گے۔ اس اہم مقابلے میں سب سے بڑا خطرہ تجربہ کارہندوستانی فاسٹ بولر محمد سمیع کی صورت میں سامنے آرہا ہے، جو اپنی شاندار فارم اور نئی گیند کے ساتھ تباہ کن اسپیلزکے باعث حریف بیٹرز کے لیے مسلسل پریشانی کا سبب بن رہے ہیں۔ کولکتہ نائٹ رائیڈرزکی ٹیم اس سیزن میں اب تک توقعات پر پوری نہیں اتر سکی ہے اور ابتدائی میچوں میں مسلسل ناکامیوں کے بعد ٹیم شدید دباؤکا شکار ہے۔ خاص طور پر بیٹنگ شعبہ ٹیم کی سب سے بڑی کمزوری بن کر سامنے آیا ہے، جہاں ٹاپ آرڈر مستحکم آغاز فراہم کرنے میں ناکام رہا ہے۔ اوپننگ جوڑی نہ تو بڑی شراکت قائم کر سکی ہے اور نہ ہی پاور پلے کا بھرپور فائدہ اٹھا سکی ہے، جس کے نتیجہ میں مڈل آرڈر پر غیر ضروری دباؤ بڑھ گیا ہے۔ مڈل آرڈر میں شامل تجربہ کار اور نوجوان بیٹرز بھی اپنی ذمہ داری نبھانے میں ناکام رہے ہیں، جس کی وجہ سے ٹیم بڑے اسکور بنانے یا ہدف کا کامیاب تعاقب کرنے میں مشکلات کا شکار رہی ہے۔ آل راؤنڈرز کی کارکردگی بھی توقعات کے مطابق نہیں رہی، جبکہ فنشرز بھی آخری اوورز میں مؤثر انداز میں رنز بنانے میں ناکام دکھائی دیے ہیں۔ یہی وجوہات ہیں کہ ٹیم اب تک کوئی نمایاں کامیابی حاصل نہیں کر سکی اور اسے اپنی حکمت عملی پر سنجیدگی سے غورکرنا ہوگا۔ دوسری جانب لکھنؤ سوپر جائنٹس کی ٹیم اس وقت کافی متوازن اور پراعتماد نظرآرہی ہے۔ ٹیم کی سب سے بڑی طاقت اس کا مضبوط بولنگ شعبہ ہے، جس کی قیادت محمد سمیع کررہے ہیں۔ سمیع نے حالیہ میچوں میں نئی گیند کے ساتھ غیر معمولی کنٹرول اور مہارت کا مظاہرہ کرتے ہوئے حریف ٹیموں کو ابتدائی اوورز میں ہی مشکلات سے دوچارکیا ہے۔ ان کی سوئنگ اور لائن و لینتھ اتنی مؤثر رہی ہے کہ بڑے بڑے بیٹرز بھی ان کے سامنے بے بس دکھائی دیے ہیں۔ سمیع کے ساتھ دیگر فاسٹ بولرز اور اسپنرز بھی بھرپور فارم میں ہیں، جس سے لکھنؤ کی بولنگ مزید خطرناک ہو گئی ہے۔ پاور پلے میں وکٹیں حاصل کرنا اور مڈل اوورز میں رنزکی رفتار کو قابو میں رکھنا اس ٹیم کی خاص پہچان بن چکی ہے۔ یہی وجہ ہے کہ مخالف ٹیموں کے لیے بڑے اسکور بنانا آسان نہیں رہا۔ بیٹنگ کے شعبے میں بھی لکھنؤ کے پاس مضبوط اور تجربہ کار کھلاڑی موجود ہیں۔ کپتان رشبھ پنت اپنی جارحانہ اور ذمہ دارانہ بیٹنگ کے لیے جانے جاتے ہیں اور حالیہ میچ میں انہوں نے ایک اہم اننگ کھیل کر ٹیم کو کامیابی دلانے میں کلیدی کردار ادا کیا تھا۔ ان کے علاوہ مچل مارش اور ایڈن مارکرم جیسے بیٹرز بھی ٹیم کو استحکام فراہم کرتے ہیں کسی بھی مرحلے پر میچ کا رخ بدلنے کی صلاحیت رکھتے ہیں۔E/K