پینٹاگون کی ایرانی حملے میں قطر میں امریکی ایئر بیس پر نقصان کی تصدیق  

( 24 نیوز )پینٹاگون نے ایرانی میزائل حملے میں قطر میں واقع العدید ایئر بیس پر معمولی نقصان کی تصدیق کر دی۔

برطانوی نشریاتی ادارے سے گفتگو کرتے ہوئے پینٹاگون کے ترجمان شان پارنیل نے کہا ہے کہ 23 جون کو امریکی اور قطری دفاعی فضائی نظام نے باقی ایرانی میزائلوں کو تباہ کر دیا تھا لیکن ایک ایرانی بیلسٹک میزائل نے العدید ایئربیس پر ریڈوم سے ٹکرایا۔

انہوں نے کہا کہ ایرانی بیلسٹک میزائل  سے ہونے والا نقصان محدود نوعیت کا تھا، حملے میں کوئی زخمی نہیں ہوا۔

 ان کا یہ بھی کہنا تھا کہ قطر میں امریکی اڈے کی تمام آپریشنل سرگرمیاں معمول کے مطابق جاری ہیں۔

 یہ بھی پڑھیں:حمیرااصغرکے والدپہلی بارمنظرعام پربیٹی کےحوالےسے کیاگفتگوکی؟جانیے

واضح رہے کہ 23 جون کو ایران نے قطر کے دارالحکومت دوحہ میں امریکی فوجی اڈوں پر حملہ کیا تھس۔

ایران کے سرکاری ٹی وی نے تصدیق کی تھی کہ ایرانی میزائلوں نے قطر کے العدید فوجی ہوائی اڈے کو نشانہ بنایا ہے۔

یاد رہے کہ 22 جون کو ایران کے خلاف اسرائیل کی جنگ میں امریکا بھی شامل ہو گیا تھا، امریکا نے ایران کی 3 ایٹمی تنصیبات پر حملہ کیا تھا۔

سماجی رابطے کی ویب سائٹ ’ایکس‘ پر اپنے بیان میں صدر ڈونلڈ ٹرمپ کا کہنا تھا کہ فردو، نطنز اور اصفحان میں نیوکلیئر تنصیبات پر حملہ کیا گیا ہے، فردو ایٹمی تنصیب مکمل طور پر تباہ کر دی گئی۔