بنگلہ دیش نے سلہٹ ٹیسٹ میں 78 رنز سے جیت کر پاکستان کو دو میچوں کی سیریز میں وائٹ واش کر دیا ہے۔
سلہٹ میں کھیلے جانے والے دوسرے اور آخری ٹیسٹ میچ کے پانچویں دن پاکستان کی پوری ٹیم 437 رنز کے ہدف کے تعاقب میں 358 رنز ہی بنا سکی۔
پاکستان نے اپنی دوسری اننگز کا آغاز 316 رنز سات کھلاڑی آؤٹ سے کیا تو محمد رضوان اور ساجد خان نے بہتر شروعات کی۔
دونوں بلے بازوں نے کریز پر آتے ہی کھل کر رن بنانا شروع کیے مگر یہ سلسلہ زیادہ دیر نہ چلا اور یکے بعد دیگرے دونوں ہی بلے باز پویلین لوٹ گئے۔
محمد رضوان 94 رنز بنا کر آؤٹ ہوئے جبکہ ان کا ساتھ دینے والے ساجد خان نے 28 رنز کی اننگز کھیلی۔
اس سیکشن میں متعلقہ حوالہ پوائنٹس شامل ہیں (Related Nodes field)
ان دونوں کے آؤٹ ہوتے ہی بنگلہ دیشی بولرز نے آنے والے دونوں بلے بازوں کو بنا کوئی رن بنائے ہی آؤٹ کیا اور 78 رنز سے میچ جیت کر سیریز دو، صفر سے اپنے نام کر لی۔
بنگلہ دیش کی اس فتح میں بائیں ہاتھ کے سپنر تیج الاسلام نے اہم کردار ادا کیا، جنہوں نے پاکستان کی دوسری اننگز میں چھ کھلاڑیوں کو پویلین کی راہ دکھائی۔
یہ مسلسل دوسرا موقع ہے جب بنگلہ دیش نے پاکستان کو وائٹ واش کیا۔ اس سے قبل 2024 میں پاکستان کا دورہ کرنے والی بنگلہ دیشی ٹیم نے دو ٹیسٹ میچوں کی سیریز میں وائٹ واش کیا تھا۔